Hacking လေ့လာသူများသို့

ပြည်ကြီးရခိုင်ဘလော့ဂ်ကို စပြီးတည်ထောင်ခါစက ကွန်ပြူတာနန့် ပတ်သက်ပြီး နည်းပညာရပ် ၀န်းတစ်ခုအဖြိုက်ဖန်တီးကတ်ဖို့ဆိုပြီးကေ ကျွန်တော်နန့် ညီချေ ဝေဟင်အောင်ရို့နှစ်ယောက်
တိုင်ပင်ခကတ်ပါယေ။ သို့သော်လည်း ကျွန်တော်က Internet ကို အချိန်ပြည့် သုံးနိုင်ဖို့ အချိန်
မပီးနိုင်ပါ။ ထမင်းစားဖို့လည်း အလုပ် လုပ်ရပါသိမ့်ယေ။ ယင်းအတွက်နန့် ပို့စ်တိတင်ဖို့ဆိုရေ
အပိုင်းမှာ အချိန်နန့်အမျှ တန်းတူပြောင်းလဲလာယေ နည်းပညာပိုင်းတိကို တင်ပြဖို့ ကျွန်တော့်မှာ အခက်အခဲချေတိဟိလာပါယေ။ ဆိုကေ..။ ကျွန်တော်အားသန်ရေ Hacking ပိုင်းတိကိုဦးစားပီး
တင်ပီးခပါယေ။ သို့သော်လည်း တစ်ချို့(လူများစု) က Hacker တော့ဖြိုက်ချင်ပါယင့် ။ လေ့လာမှု
အပိုင်းမှာ ၀ီရီယ စိုက်ထုတ်မှုအပိုင်းက အားနည်းရေအတွက်နန့် ပို့စ်ရွီးရေလူကိုဇာချင့်တိ တင်နိန် မှန်းမသိဆိုပြီးပွစိပွစိဖြိုက်လာရေ အသံတိကြားလာရရေအခါမှာ ကျွန်တော်စိတ်မကောင်းဖြိုက်မိပါယေ.။ ကျွန်တော့် ပို့စ်တိကို လာဖတ်ရေ အထဲကမှ နှစ်ယောက်ပဲ ကျွန်တော့် ကို တစ်စိုက်မတ်မတ် အားပီးကတ်ပါယေ။ ထိုင်းနိုင်ငံက တစ်ယောက်၊ မြန်မာနိုင်ငံက တစ်ယောက် ပဲဟိပါယေ။ နောက်ပိုင်းမှာ ကျွန်တော်လဲစဉ်းစား လာရ ပါဗျာလ်.။ ငါလုပ်နိန်စော်က ဖြော်ဖြေရေး ကို အခြေခံပြီး ပညာဖြန့်ဝေရေ အလုပ်.။ ဖြော်ဖြေစော်ကိုအားမပီးကေ ပညာလဲရကတ်ဖို့မဟုတ်။ ယင်းအတွက်နန့် ဖြော်ဖြေရေးကဏ္ဍကိုပဲဦးစားပီးဖို့ရာဆိုပြီးဆုံးဖြတ်လိုက်ပါယေ။ လကြီးလကျယ်ပြောစော် မဟုတ်ဆိုစော်ကို Hacking လေ့လာနိန်ယေ သူငယ်ချင်းတိကို ပြောပြစော်ပါ။

ကျွန်တော်ဒေပညာကို ရဖို့ စင်ကာပူက သူငယ်ချင်းတစ်ယောက်ပါးမှာ ၂၀၀၁ ခုနှစ်ကတည်းက အခက်အခဲမျိုးစုံကြားကလေ့လာခရပါယေ.။ ကျွန်တော် Computer နန့်စတင်ထိတွေ့ခစော်က ၁၉၉ရ ခုနှစ်ပါ။
စင်ကာပူကသူငယ်ချင်းပါးက တပည့်ခံပြီးရေနောက်ပိုင်းမှာ ၂၀၀၂ ခုနှစ်မှာ ရုရှားတစ်ယောက်ပါးမှာ ၄ နှစ် လောက်လေ့လာခပါသိမ့်ယေ။ ယကေလည်း ကျွန်တော် အခုအချိန်ထိ Hacker လို့မခံယူခပါ။
ဒေပညာစော် အခုအချိန်မှာ ကျွန်တော့် ကိုထမင်းကျွေးနိန်ရေ ပညာဆိုကေလည်းမမှားပါ။ ယကေလည်း ကျွန်တော် သူခိုးကြီးလက်ကသူခိုးချေ ၀ှက်ရေ အလုပ်ကိုရာလုပ်ပါယေ။ လူကောင်းလက်က တစ်ခါမှ
မခိုးမ၀ှက်ဖူးပါ.။ ကျိန်ဆိုကေကျိန်ဝံ့ပါယေ။ Cyber Law ကို မကြောက်လို့မဟုတ်ပါ။ ကြောက်ပါယေ.။ ထားပါဖိ.။

ကျွန်တော်ပြောချင်စော်က ဒေပိုင် ကျွန်တော်အမြတ်တနိုးနန့် လေ့လာခရေ၊ ထမင်းကျွေးရေ ပညာကို လူတစ်ချို့က ဗရဗရီ ပြောလာရေခါ ကျွန်တော်မခံနိုင်ပါ။ ယကေလည်း ကျွန်တော် စိတ်မဆိုးပါ။
ကျွန်တော်က အိမ်ရှင်မဟုတ်ပါလား။ ယင်းအတွက်နန့် ကျွန်တော် ကိုယ်ပိုင် Website တစ်ခု လုပ်နိန်ပါယေ။ နိုင်ငံအနှံအပြားက Hacking ၀ါဿနာတူ သူငယ်ချင်းတိစုပြီးလုပ်နိန်ကတ်ပါယေ။ Hacking သီးသန့်ပါ။
အားလုံးပြီးကေ ကျွန်တော်ချပြပါမေ။ ကိုယ်ပိုင် Domain ဖြိုက်တေ အတွက် အစအဆုံး Hacking Site နန့်တူအောင်ဖန်တီးနိန်ပါယေ။ ၀ါဿနာပါရေ သူငယ်ချင်းတိ ယင်း Website ပြီးရေအခါမှာ
အားရပါးရ လေ့လာနိုင်ကတ်ပါမေ။ ဒေဘလော့ဂ်မှာလည်း အချိန်ရကေ ရယေပိုင် ပေါ်ပင် နည်းပညာတိကို ရွီးပီးလားပါမေ.။ တကယ်လို့ အစာမကြေဝေဖန်အကြံပီးချင်ရေ ဆိုကေ၊ Hacking ပိုင်းဆိုင်ရာ
သိချင်စော်မီးချင်ကေ ပြည်ကြီးဘလင့်ခ် blinkblank.guy@gmail.com ကိုဆက်သွယ်နိုင်ပါယေ။

တစ်ဆက်တည်းမှာ TCP Ping Tools လိုချင်ရေလို့တောင်းလာကတ်တေ သူငယ်ချင်းအတွက် Links တိပီးလိုက်ပါယေ။ ကိုယ့်စော်ကို ရှာပြီး ဒေါင်းလိုက်ပါဖိ။

TCP Ping Tools

Tool (Author) Location

Firewalk (Michael Schiffman, David Goldsmith) http://www.packetfactory.net/firewalk
Fping (Thomas Dzubin) http://www.fping.com
Hping (Salvatore Sanfilippo) http://www.hping.org
Internet Security Scanner http://www.iss.net
Nessus http://www.nessus.org
NetScan Tools http://www.nwpsw.com
Nmap (Fyodor) http://www.insecure.org


(လူမှုကိစ္စအ၀၀သာလျှင် ပြည့်ဝခဲ့သော် ဘ၀ဘ၀သာလီစွ)
ပြည်ကြီးဘလင့်ခ်