Microsoft genuine လတ်။ ကွန်ပြူတာ Window တင်ပြီးယာလို့ စိတ်က ချလိုက်စော်နန့် ကွန်ပြူတာ Screen ထောင့်နားချေမှာ ယင့်ချင်ချေရာတခုပေါ်လာပြန်ဗျာယ်။ ဟိုပိုင် ဖျောက်ကြည့်ရေ မရ။ အေပိုင် ဖျောက်ကြည့်ရေမရ။ အော် စိတ်တိ ကောင်းကောင်း ခေါင်းရှုပ်လားရေ။ မဟုတ်သိမ့် ငါလုပ်စော်အားလုံး အကောင်းကြီးပါရာ။ ဇာပိုင်ဖြိုက်စော်လည်း ရှာစမ်း Google ကြီး။ ယော် တရက်ကုန်လားရေ မရ။ နောက်တရက်ကုန်လားရေ လူပင် စိတ်ပင် ပင်ပန်လာရေ။ ကိုယ်ဆရာသမားတိပါးကို မီရဗျာယ်။ နောက်ဆုံး ဆရာ မောင်ရင်ခွင် ကပြောပြမှ ဖြေရှင်းလို့ရလခရေ။ ကဲ ယင်းအတွိ့အကြုံကို ပြန်တင်ပီးလိုက်ယင့်။
ကဲ ပထမဆုံး - Ctrl + Alt + Del ကို တွဲနှိပ်လိုက်ပါ။ task Manager ကိုခေါ်ရလိုက်စော်ပါရာ။ ယင်အောက်က Process tab ကိုနှိပ်ပြီးကေ ယင်းပေါ်လာစော်မှာ wgatray.exe ဆိုစော်ကို Right click ထောက်ပြီးကေ End process လုပ်ပစ်လိုက်ပါ။ စက်ကို Restart ကို ချပြီးကေ window ပြန်တတ်ရေခါ F8 ကိုမတန့်တမ်းနှိပ်ထားပါ။ ပြီးစော်နန့် black sreen မှာ Safe mode/ window normally ဆိုပြီးပေါ်လာလိမ်မယ်။ ယင်းချင့်က Safe mode ကိုရွေးပြီးကေ ၀င်လိုက်ပါ။
window ထဲကို ရောက်လားစော်နန့် My Compter အောက် C:\Windows\ System 32 ထဲမှာ wgatray.exe ကို ဖျက်ပစ်လိုက်ပါ။
နောက်တခုက C;\Windows\system32\dllcache အောက်က wgatray.exe ကို ဖျက်ပစ်လိုက်ပါ။
နောက်တခုက start>Run box ကိုဖွင့်ပြီးကေ regedit လို့ရိုက်ထည့်ပြီးကေ ၀င်လိုက်ပါ။
ယင်းအောက်မှာပဲ HKEY_LOCAL_MACHINE\Software\Microsoft\Windows NT\CurrentVesion\ Winlogon\Notify ထဲကနီ wgalongon ဆိုစော်ကို ဖျက်ပစ်လိုက်ပါ။ ကဲ ပြီးစော်နန့် ကွန်ပြူတာကို restart ချပြီးကေ ပြန်ဝင်ကြည့်လိုက်ပါ။ အားလုံးအိုကေလားလိမ်မယ်။
Virus လား မဟုတ်ပါ။ သို့သော် Virus လို့သတ်မှတ်လို့ရပါရေ။ ကွန်ပြူတာကို တော့ဒုက္ခမပီးပါ။ ယကေလည်းသို့ ကွန်ပြူတာသုံးရစော် ဖီးအောက်တေ။
Written by ; ဝေဟင်အောင်
No comments:
Post a Comment