ညဇာက ဆရာကြီး မောင်ဗသိန်းပါးသို့ စာတမ်းအတွက် လားပနာ အကြံအညာဏ်တိကို လားယူခီရေ။ ယင်းချင့်မှာ စကားတိုက်ဆိုင်လို့ ဆရာချစ်အကြောင်းကို နည်းနည်းချေ ပြောဖြစ်ခကတ်ပါရေ။ ပြောဖြစ်စရာ အကြောင်းကလည်း ရခိုင်မာ လက်ဟိ အသက်အကြီဆုံး စာရွီးဆရာထဲက တစ်ယောက်ဖြစ်တေ ဆရာချစ်ကို ပုဏ္ဏားကျွန်းမြို့၊ ကျောက်ဆိပ်ရွာမှာ မွီးခရေ ဆိုခါ ကျနော်ရို့ ရွာနန့်လည်း အဆက်အသွယ်တိပါရေ။ အမျိုးစပ်ကေ အမျိုးတော်နိုင်ပါရေ။ ရခိုင်မာ သမိုင်းအမွီးအနှစ် အစစ်အမှန်ဆိုလို့ ရခိုင်ဘုရင်တိလက်ထက်ကပင် သုံးလာရေ ရခိုင်ပြက္ခဒိန် တစ်ခုရာဟိပါယာလို့ ဆရာကြီးမောင်ဗသိန်းက ပြောပါရေ။ ဦးနုလက်ထက် သာသနာ သက္ကရာဇ် ၂၅၀၀ ပြည့်နှစ်မာ ဗမာရို့၏ ပြက္ခဒိန်ရေ ရက်တိ ၊ လတိ လွဲနီပြီးကေ ရခိုင်ပြက္ခဒိန်က တစ်ထပ်တည်းကျနီရေလတ်။ ယင်းချင့်ကို ဦးနုက မြန်မာပြည်က နက္ခတ်ပညာရှင်တိကို ခေါ်ပြီးကေ ဗမာပြက္ခဒိန်ကို ပယ်ဖျက်ပြီးကေ ရခိုင်ပြက္ခဒိန်ကိုရာ လက်ခံခရရလို့ ပြောပြပါရေ။ ဆရာချစ်ရေ ရခိုင်ပြည်၏ တစ်ဦးတည်းသော ပြက္ခဒိန်ပညာရှင်ဖြစ်တေလို့ ဆရာကြီး မောင်ဗသိန်းက မှတ်ချက်ပြုပါရေ။ ဆရာချစ်ရေ ရခိုင်ပြည်၏ ဓည၀တီပြက္ခဒိန်ကို အင်္ဂလိပ်-မြန်မာ-ရခိုင် သုံးဘာသာနန့် အဂုထိတိုင်းအောင် စိုင်ဆက်မပြတ် ထုတ်ဝေနီရေ ဆရာဖြစ်ပါရေ။
ဝေဟင်အောင်
၂၃၊ ၁၂၊ ၂၀၁၃
No comments:
Post a Comment